Heinrich Brussow is Toyota se Taaiste Cheetah vir 2012.  Hierdie toekenning wat deur die afrigters van die Toyota Vrystaat Cheetahs beslis word, is op Dinsdag, 4 Desember in die Vrystaat Stadion aan Heinrich oorhandig. 

Reg deur die Vodacom Super Rugby en Absa Curriebeker seisoen het die afrigters na afloop van elke wedstryd Toyota se Taaiste Laagvat en Toyota se Waardevolste Speler aangewys.  

Twee spelers het elke week ‘n kontant bedrag van Toyota ontvang as beloning vir hulle goeie spel.  Heinrich Brussow was die speler wat aan die einde van die jaar die meeste kere die toekenning ontvang het.   Met die komplimente van Toyota ontvang Brussow ‘n bedrag van R20 000.00 as prysgeld. 

Lappies Labuschagne is in 2011 as Toyota se mees waardevolste speler aangewys en was die eerste speler wat hierdie toekenning van Toyota ontvang het.

FOTO:  Heinrich Brussow, Cecilia Steenberg (Octagon namens Toyota), Harold Verster (Besturende Direkteur Vrystaat Cheetahs (Edms.) Bpk., Kobus Botes (Oranje Toyota)